Yr Haf

1. Dewch o hyd i dair gwahanol ddeilen; mae’n rhaid i un ohonynt fod o goeden dderw.
2. Dewch o hyd i ffrwyth un o’r coed yn y goedwig; cofiwch nad yw pob ffrwyth yn aeron coch.
3. Mae’r goedwig yn ffynhonnell eang ac amrywiol o fwyd ar gyfer llawer o anifeiliaid gwahanol; dewch o hyd i ddeilen y mae lindysyn wedi bwyta darn ohoni.
4. Dewch o hyd i ddau wahanol fath o hadau coed.

Yr Hydref

1. Dewch o hyd i chwe gwahanol liw oren, a rhowch hwy yn eu trefn o’r tywyllaf i’r goleuaf.
2. Dewch o hyd i ddwy fesen sydd yn dal yn eu cwpanau.
3. Mae mwsog yn rhan bwysig o gymuned blanhigion y goedwig, dewch o hyd i dro gwahanol fath o fwsog.
4. Mae’r Hydref yn adeg wych ar gyfer astudio gwahanol siapiau a lliwiau’r dail yn y goedwig. Casglwch 10 gwahanol fath i fynd â nhw adref a’u.

Y Gaeaf

1. Mae’r Gaeaf yn adeg heddychlon iawn yn y goedwig, ac wrth i chi gerdded gwrandewch ar drydar yr adar; faint o adar allwch chi eu clywed o fewn un funud?
2. Mae’r coed i gyd yn noeth yn ystod misoedd y gaeaf… neu a ydyn nhw? Dewch o hyd i 4 coeden sydd yn dal i fod yn eu dail er ei bod hi’n ganol gaeaf.
3. Mae bwyd yn brin yn ystod misoedd oer y gaeaf. Mae’r wiwer, y llygoden ddaear a sgrech y coed wedi bod yn manteisio ar y mes; allwch chi ddod o hyd i rai y mae un o’r anifeiliaid hyn wedi bod yn eu bwyta?
4. Nid yw’r holl blanhigion yn farw drwy’r gaeaf; edrychwch am arwyddion o fywyd. Allwch chi ddod o hyd i unrhyw flagur neu egin newydd? Cyfrwch hwy ond peidiwch â’u casglu, mae arnom eu hangen er mwyn i’r goedwig gadw idyfu.

Y Gwanwyn

1. Mae’r goedwig nawr yn dihuno ar ôl cwsg hir y gaeaf. Mae eirlysiau a briallu ymysg y blodau cyntaf i flaguro yn y gwanwyn. Allwch chi ddod o hyd i rai yn eich coedwig? Cofiwch, edrychwch arnynt, ond peidiwch â’u casglu. Gadewch hwy i bobl eraill gael eu mwynhau!
2. Mae gan yr holl goed yn y goedwig wahanol flagur, ac o’r blagur neu’r egin y tyfa’r dail newydd. Dewch o hyd i flagur deilen y derwen, a dau fath arall – cofiwch, os oes arnoch angen cliw ynglyn â pha goeden ydyw, edrychwch ar lawr y goedwig am dystiolaeth!
3. Nid oes croeso i bob planhigyn yn ein coedwigoedd derw! Allwch chi ddod o hyd i rododendron yn eich coedwig? - Edrychwch ar adran rhywogaethau mewnlifol i helpu chi i’w nodi a pham nad oes arnom ei heisiau yn ein coetiroedd derw.
4. Beth allwch chi ei glywed yn y goedwig? 10 pwynt i’r person cyntaf i glywed cân y gog!