Mae ardal Meirionnydd yng Ngogledd Orllewin Cymru yn gartref i rai o enghreifftiau gorau Erwop o Goetir Derw Atlantig. Mae’r cynefin unigryw hwn yn gyfoethog o ran bioamrywiaeth ac mae’r bobl leol yn ei werthfawrogi fel gweithle ac fel man o harddwch digyffelyb i ymlacio ynddo. Ychydig o ardaloedd all gynnig traethau prydferth, clogwyni, cymoedd, afonydd, coetiroedd a mynyddoedd oll o fewn cwmpas o 10 milltir.

Mae’r coetiroedd bellach yn ganolbwynt partneriaeth arloesol sy’n gweithio i’w hadfer, eu diogelu a’u hehangu – Prosiect Rheoli Cynefin Coedwigoedd Derw Meirionnydd.

Cliciwch i ddarganfod mwy am ein Coedlan Gymunedol

Mae’r gwaith hwn yn dod â swyddi newydd i gymunedau, yn cyfoethogi cynefinoedd bywyd gwyllt ac yn gwella mynediad at y coedwigoedd er mwyn i bobl gael profiad o agosatrwydd unigryw i natur a bywyd gwyllt heb ei ail yn Ewrop.

Archwiliwch ein gwefan i gael gwybodaeth am y prosiect, ymhle i weld y safleoedd gorau ac ymhle i aros yn yr ardal brydferth hon. Pe byddech yn hoffi mwy o wybodaeth neu os oes gennych unrhyw gwestiynau am yr hyn rydych yn ei ddarllen, cliciwch yma i gysylltu â’r Prosiect Rheoli Cynefin Coedydd Derw ‘Partneriaeth i ofalu am Goetiroedd Derw Meirionnydd, yn hyrwyddo eu pwysigrwydd i’r gymuned leol, yr hymwelwyr, yr economi a’r amgylchedd.’